Формула 1 би можела да се вози и во Мексико

Додека се наближува денот за одржување на последната седница на Светскиот совет за моторспорт на ФИА, календарот за 2013 година се уште е отворен за рокади.

По саботните квалификации во Остин, камерите на Скај Спорт го уловија Карлос Слим јуниор, односно синот на најбогатиот човек во светот, во разговор со архитектот Херман Тилке, кој е потписник на дизајните на последните седум автодроми изградени за Формула 1, како и на некои градски патеки (Сингапур, Валенсија) кои беа прилагодени за потребите на светското првенство.

Првичните шпекулации велат дека сопственикот на мексиканскиот телеком не сака да се рекламира во Мекларен каде што буџетите се поголеми, ниту да го подигне својот буџет за Заубер каде што добил исклучително ниска цена по заминувањето на БМВ.

Доколку се нафати да биде промотор на трката во Мексико, Карлос Слим ќе го спонзорира и вториот мексикански возач Естебан Гутиерез преку седиште во Заубер, што би привлекло и повеќе навивачи на трибините. Како локација се спомнува улична трка во родниот град на Перез, Гвадалахара, но не се исклучува и можноста за реновирање на стариот автодром „Браќа Родригез“ во Њу Мексико, или изградба на нова патека во иднина. Се проценува дека оваа трка би можела да се случи најрано во 2014 година.

Присуството на мексиканскиот претседател Фелипе Калдерон во гаражата на Заубер на денот на трката, би требало да биде своевидна гаранција за тоа.

Би можело да ве интересира

Мекларен задоволни од тестовите во Барселона

Ана Ололовска

Инцидент на стартот, победа за Хамилтон во Сингапур

Ана Ололовска

Нико Розберг шокантно објави крај кариерата

Емир Латифовиќ

Розберг: Не знам како ќе пристапам на трката во Абу Даби

Емир Латифовиќ

Кој е милијардерот тинејџер кој ќе вози за Вилијамс?

Емир Латифовиќ

ФИА отвори истрага за пцовките на Себастијан Фетел

Емир Латифовиќ

Leave a Comment

15 − ten =