Со одигрување на последниот осминафинален меч во кој Енди Мареј (Велика Британија) го победи Денис Истомин (Казахстан), од ноќеска познати се сите двојки за четвртфиналната фаза на УС Опен.
Британецот славеше победа со 3:1 – по сетови 6:7, 6:1, 6:4 и 6:4.
Противник на Мареј ќе му биде Швајцарецот Станислав Варвинка кој во осминафиналето го совлада Томаш Бердих (Чешка) 3:1 – по сетови 3:6, 6:1, 7:6 и 6:2.
Претходно во четвртфиналето се пласира првиот носител Новак Ѓоковиќ (Србија) по победата над Марсел Гранољерс (Шпанија) со 3:0 – по сетови 6:3, 6:0 и 6:0.
Ѓоковиќ ќе игра против Михаил Јужњи (Русија) кој место помеѓу осумте најдобри обезбеди поразувајќи го Лејтон Хјуит (Австралија) со 3:2 – по сетови 6:3, 3:6, 6:7, 6:4 и 7:5.
Двојки за четвртфиналето на УС Опен:
Рафаел Надал (Шпанија) – Томи Робредо (Шпанија)
Давид Ферер (Шпанија) – Ришар Гаске (Франција)
Новак Ѓоковиќ (Србија) – Михаил Јужњи (Русија)
Енди Мареј (Велика Британија) – Станислав Варвинка (Швајцарија).