ВИДЕО: Фјури славеше со песна на „Аеросмит“

Од:

Британскиот боксер Тајсон Фјури синоќешната победа со технички нокаут во втората рунда против Германецот Том Шварц, ја прослави со песна на „Аеросмит“, што лично ја испеа по мечот на рингот во Лас Вегас.

Фјури, познат како „Кралот на циганите“, буквално го претепа Германецот, кој очигледно не му беше достоен противник, па по вториот нокдаун судијата беше принуден да го прекине мечот.

Но, тука не заврши претставата на британскиот шоумен, кој на рингот се појави накитен со американски знамиња. По завршувањето на борбата, Фјури го зема микрофонот и го запеа хитот на „Аеросмит“, „Ништо не би сакал да пропуштам“ (‘I don’t want to miss a thing’), а заедно со него пееше и целата сала.

Непобедливиот боксер исто така пред да запее на присутните им најави нова борба оваа есен, како и нов меч со Деонтај Вилдер следната година, на кого му порача дека „доаѓа по зелениот појас“.

Фјури синоќа ја постигна 28 победа во кариерата, во која има само едно реми, а Германецот Шварц го искуси првиот порази по 24 победи.

Би можело да ве интересира

Тајсон Фјури ја прекина соработката со тренерот Дејвис

Ана Ололовска

Македонија со три боксери и еден судија на Балканското првенство во Анталија

Ана Ололовска

Џошуа по победата над Руиз: Може да се бориме и трет пат

Ентони Џошуа повторно е крал во тешка категорија

ВИДЕО: Фјури му спаси живот на маж кој сакаше да се самоубие

Делчевскиот кик-боксер Мики Ивановски ја забележа 34 победа на ,,Про-Фајт” борбите

Ана Ололовска