Светската фудбалска асоцијација – ФИФА не ја прифати жалбата на Костарика која бараше, поради невреме да се поништи квалификацискиот натпревар против САД одигран во петокот.
Костарика во Денвер загуби со 1:0 во натпревар одигран во вистински зимски услови проследени со снежно невреме.
Објаснувањето на ФИФА за одбивањето на жалбата на Костарика е дека капитенот на репрезентацијата Брајан Руиз според прописите требал да се пожали кај главниот судија во текот на натпреварот и во присуство на домашниот капитен.
– Натпреварот САД – Костарика е регистриран со постигнатиот резултат, а жалбата на Костарика се одбива поради ненавременото реагирање од страната која се жали, стои во соопштението на ФИФА.