ФИФА им забрани на навивачите да носат витешка облека на крстоносците на натпреварот Англија против САД во 20 часот, што според неа може да биде навредливо за арапските фудбалски фанови и муслиманите. Навивачката група против дискриминација Kick It Out исто така ги советуваше фановите да не носат ваков тип на облека.
Крстоносните војни се средновековни верски војни што ги водел христијанскиот свет против муслиманите. Навивачите кои носат маици со синџир со пластични мечеви и штитови на кои е украсен крстот на Свети Ѓорѓи нема да им биде дозволено да влезат на стадионот Ал Бајт во Ал Хор, северно од Доха, објави Тајмс.
Kick It Out верува дека овој тип на опрема не е добредојден во Катар и другите муслимански земји. Тие потсетија и на предупредувањата на британското Министерство за надворешни работи упатени до навивачите дека треба да се запознаат со локалните обичаи при посета на Катар и дека ваквото навивање во никој случај не значи почитување на локалните обичаи.