Ферари со подобрувања на болидот за ГП на Азербејџан

Ферари подготвува некои подобрувања во својот болид за претстојното Гран при на Азербејџан.

Ова ќе биде првата надградба која тимот ја прави за време на сезоната, за да го намали заостатокот зад возачите на Мерцедес. Најдобар резултат на италијанскиот тим по првите три круга за 2019 година е третото место, а причината – мешавина од проблеми во поставувањата, несигурност и грешки.

За споредба, Мерцедес ги зазеде првите две места во секоја од трките во новата сезона и води со 57 поени во рангирањето кај конструкторите.

По слабиот старт на сезоната, филозофијата на Ферари во однос на аеродинамиката беше доведена во прашање, заедно со недостатокот на надворешни надградби, какви што се гледаат во Мерцедес.

– Првите три трки дефинитивно не се одвиваа како сакавме. Претстојното Гран При е многу важно за нас. Се подготвивме многу добро, ги анализиравме податоците кои ги собравме досега, ги проучивме областите во кои можеме да постигнеме напредок, прокоментира шефот на Ферари, Матија Биното.

Промените што Ферари ќе ги претстави во Баку се резултат на работата на инженерите пред почетокот на сезоната.

Би можело да ве интересира

Биното се повлекува како технички директор на Ферари

Ред Бул ги урна сите брзински рекорди на Ф1 трката во Силверстон

Хонда ќе се израмни со Мерцедес со следната надградба

Ана Ололовска

Фетел ќе го загуби статусот на број еден во Ферари

Еди Џордан: Хамилтон ќе оди во Ферари, Фетел и Верстапен ќе возат за Мерцедес

Шести триумф за Хамилтон на британското Гран при