Фенербахче со важна победа во Евролигата

Од:

Лидерот во пласманот во кошаркарската Евролига, Фенербахче си обезбеди домашна предност во плеј-офот, откако победи со 84:66 против Анадолу Ефес. На овој начин Турците го подобрија билансот до 21/3 и водат со по две победи пред гигантите Реал Мадрид и ЦСКА Москва.

Фенербахче доминираше тотално против градскиот ривал во салата „Улкер“ и остана непоразен дома во регуларната сезона на Евролигата. Тоа беше трета последователна победа на тимот на турнирот и 12-та на домашен терен, со која Турците си го обезбедија првото место пред почетокот на следната фаза.

Костас Слукас беше најпрецизен за победниците со 17 поени, а Никола Калиниќ додаде уште 15. Фенербахче постигна и 14 тројки при 56 проценти успешност во шутот од далечина, додека за Ефес најпрецизен беше Адријан Морман со 20 поени.

Ефес сепак остана со скор 15/9 и пропушти да си обезбеди место во финалната четворка, каде кандидат е и Барселона. Подоцна денес каталонците играат против Реал Мадрид.

Резултати од Евролигата:

Химки Москва (Русија) – Олимпија Милано (Италија) – 88:90
Фенербахче (Турција) – Анадолу Ефес (Турција) – 84:66
Макаби Тел Авив (Израел) – Дарушафака (Турција) – 77:58
Басконија (Шпанија) – Жалгирис Каунас (Литванија) – 80:73
Гран Канарија (Шпанија) – Панатинаикос (Грција) – 80:99

Подоцна денес играат:

Будучност (Црна Гора) – Баерн Минхен (Германија)
Олимпијакос (Грција) – ЦСКА Москва (Русија)
Барселона (Шпанија) – Реал Мадрид (Шпанија)

Во генералниот пласман води Фенербахче со 21 победи и 3 порази, следен од ЦСКА Москва со 18/5, Реал Мадрид со 18/5, Андолу Ефес со 15/9, Барселона со 14/9, Олимпија Милано со 13/11, Олимпијакос со 12/11, Баскија со 12/12 итн.

Би можело да ве интересира

ЦСКА му понуди нов договор на Итудис

Ана Ололовска

Итудис подготвен да го продолжи договорот со ЦСКА

Ана Ололовска

Клајберн прогласен за МВП на „Фајнал фор“ во Евролигата

Ана Ололовска

Тренерот на Ефес ги спореди учесниците на Ф4 со најдобрите НБА-лигаши

Ана Ололовска

Евролига: ЦСКА го детронира Реал Мадрид по неверојатен пресврт

Ана Ололовска

Ефес го победи Фенербахче и се пласираше во финалето на Евролигата