Гаел Монфис направи големо изненадување на турнирот во Шангај откако денеска го совлада поранешниот најдобар светски играч Рожер Федерер и се пласира во четвртфиналето на турнирот.
Французинот го доби првиот сет со 6:4, а потоа Федерер изедначи откако го доби тај брекот со 7:6 (7:5). Во решавачкиот сет беше 6:3 за Монфис. Ова е втора победа за Монфис во меѓусебните мечеви со Федерер.
Во четвртфиналето Монфис ќе игра со Новак Ѓоковиќ, кој со 6:3 во двата сета го победи Фабио Фоњини.
Изненадување направи и Флоријан Маер со победа од 2-0 (6:4 и 6:3) над Давид Ферер и ќе игра во следната рунда против Жо Вилфред Цонга.