Фановите од септември се враќаат на трибините во Германија

Од:

Сите клубови од првата и втората лига на германскиот фудбал се согласуваат за враќање на одреден број гледачи на стадионите.

Конечната одлука треба да се донесе кон средината на септември. Според планот, билетите ќе се продаваат преку Интернет, со целосни податоци за клиентите, така што ќе може да се следи движењето на потенцијално заразените лица, додека продажбата на алкохол, а со тоа и пиво, би била забранета.

Исто така, доаѓањето на гостински навивачи би било забрането, а дел од трибините ќе бидат затворени за употреба.

– Приоритет во Германија не се полните стадиони, туку здравствената состојба. Короновирусот сè уште игра многу важна улога. Како и сите други области, професионалниот фудбал може да се врати во нормална состојба само во фази, за нас во мали чекори, рече извршниот директор на Фудбалската асоцијација на Германија (ДФЛ), Кристијан Зејферт.

Од друга страна, одредени навивачки групи се против давање лични информации на клубовите.

– Податоците треба да се користат за здравствена заштита, а не за други цели, како што е надзор на навивачите. Клубовите мора да го кажат тоа јасно, велат навивачи за „Франфуртр алгемајне Цајтунг“.

Би можело да ве интересира

УЕФА: Правилото за пет замени останува и за натпреварите од Лигата на шампионите и Лигата на Европа

А1он

Фаучи: Светот ќе се врати во нормала до крајот на следната година

А1он

Белгија го укинува задолжителното носење маски на отворено

А1он

Во виенските училишта се воведуваат „гаргара“ тестови за Ковид-19

А1он

Грција ќе ги апси сите кои го поттикнуваат движењето против заштитните маски

А1он

Црна Гора е најголемото жариште на Ковид-19 на Балканот

А1он