Поддржувач на Манчестер Сити беше уапсен за расистички гестови и скандирање за време на дербито во Премиер лигата против Манчестер Јунајтед синоќа на стадионот „Етихад“.
Телевизиските камери го фатија фанот како упатува навредливи гестови и зборови до фудбалерот на градскиот ривал Фред во победата од 2:1 на Јунајтед.
Фред, исто така, беше погоден барем еднаш од предмети при исполнување на удар од аголот.
– 41-годишен маж е уапсен под сомнение за расистички навреди на јавно место и останува во притвор за испрашување, соопшти полицијата на Манчестер.
Претставниците на Манчестер Сити прогласија „нулта толеранција“ за каква било форма на дискриминација, а на секој што ќе биде прогласен за виновен за ова, ќе му биде доживотно одземено правото да присуствува на тимските натпревари.
И Фудбалската асоцијација на Англија ги истражува инцидентите.