Со гол на капитенот Кирил Лазаров, македонската ракометна репрезентација ја победи Украина со 26:25 на Европското првенство во ракомет во Виена и изби на врвот на табелата во Б групата.
Најефикасни во македонскиот национален тим беа Лазаров со осум гола и осум асистенции, а Манасков постигна шест гола. Кај Украина се истакнаа Остроушко со пет и Жуков и Акименко со по четири погодоци.
Утре е слободен ден во групата Б, а в недела следи дуелот со Чешка.