Елиф Елмас меѓу петте млади ѕвезди кои треба да блеснат на Европското првенство предвидува шпански „АС“

Од:

Младата македонска ѕвезда Елиф Елмас е меѓу петте млади фудбалери кои се очекува да блеснат на Европското првенство, предвидува шпанскиот „АС“. Офанзивниот играч за врска на Наполи игра во одлична форма во националниот тим и еден од главните адути на селекторот Игор Ангеловски пред големото европско натпреварување.

„Македонија го живее фудбалскиот сон. Пласманот на Европското првенство е историски успех за оваа земја, а голем придонес имаше 21-годишниот Елиф Елмас кој прераснува во врвен фудбалер. Дојде во Наполи за 16 милиони евра и апсолутно ги оправда вложените средства. Тој е креативен плејмејкер, игра исклучително лесно и сигурно со топката, а знае да постигнува и голови. Заедно со капитенот Горан Пандев сочинува тандем кој ова лето ќе испишува историја за македонскиот фудбал“, објаснува „АС“.

Покрај Елмас, влијателниот шпански медиум очекува на Европското првенство да блеснат уште и Фил Фоден од Англија, Нуно Мендеш од Португалија, Дани Олмо од Шпанија и Рајан Гравенберх од Холандија.

Би можело да ве интересира

Елмас и Наполи на стартот против Ливерпул, ПСЖ го чека Јуве, Баерн му гостува на Интер

Елмас втор пат прележа коронавирус

Ана Ололовска

Елмас втор пат позитивен на коронавирус

Ана Ололовска

Елмас го одигра јубилејниот 100. натпревар за Наполи

Ана Ололовска

Наполи на Елмас единствен клуб во најдобрите пет лиги што не загубил бодови сезонава

Саутгејт: Англија треба да го освои Светското првенство за да го заборави неуспехот во финалето на Еуро 2020

А1он