Ѕвездата на НБА тимот Оклахома Сити Кевин Дјурант заедно со неговите соиграчи му изразија поддршка на тренерот Скот Брукс и покрај тоа што уште една сезона за Оклахома завршува порано од очекувањата на раководството и навивачите.
– Тој е нашиот предводник. Каде и да оди, јас ќе го следам. Немојте веќе да ме интервјуирате за тоа, изјави Дјурант.
Оклахома сезонава во плеј-офот стигна до финалето на Западната конференција каде беше елиминирана од Сан Антонио со 4-2 во победи.
Сепак и покрај поддршката која Брукс ја добива од Дјурант и другите кошаркари на Оклахома, на официјалниот НБА сајт стои дека неизвесен е неговиот опстанок, а како потенцијални кандидати за наследници на Брукс на тренерската позиција се спомнуваат Мајк Браун, Џорџ Карл, Вини Дел Негро и Марк Џексон.