Поранешниот бразилски репрезентативец Дани Алвеш е убеден дека не би било проблем да игра во сегашниот состав на Милан, клубот во кој помина добар дел од својата кариера.
Бразилецот, кој има 38 години, во моментов игра во татковината, за тимот на Сао Паоло.
„Јас би бил ѕвезда во денешниот Милан. Возраста е само број и сè уште сакам да се борам, да играм фудбал. Порано трчав 12 километри на натпревар, но беше разумно да трчам 8. Сигурен сум во една работа: не сакам да се срамам од фактот дека сум на теренот. Кога веќе не можам да играм, ќе заминам, за да ја завршам кариерата,“ изјави Алвеш за медиумите од Бразил.
Милан во моментов е на седмото место на табелата во Серија А, а сезоната, прекината во март поради пандемијата на коронавирусот, продолжува овој викенд.