Цонга по пет сета се пласира во полуфиналето на Ролан Гарос

Од:

Францускиот тенисер Жо-Вилфред Цонга по пет сета игра успеа синоќа да го совлада четвртиот носител Кеи Нишикори (Јапонија) и со тоа да избори полуфинале и да го повтори резултатот од 2013 година на Ролан Гарос.

dobivaj vesti na viber

Цонга ги доби првите два сета со 6:1 и 6:4, но Нишикори врати добивајќи го следните два со 6:4 и 6:3. Во решавачкиот сет беше 6:3 за Цонга.

Инаку, овој меч беше во прекин од 30-тина минути во вториот сет, бидејќи дел од покривната конструкција се откачи од силниот ветар и повреди еден гледач.

Ривал на Цонга во полуфиналето ќе му биде Стан Вавринка, кој со 3:0 во сетови (6:4; 6:3 и 7:6) го победи вториот светски тенисер Рожер Федерер. За Вавринка ова е прво полуфинале на Ролан Гарос.

Денеска од четвртфиналните мечеви кај мажите ќе играат: Новак Ѓоковиќ против Рафаел Надал и Енди Мареј против Давид Ферер.

Во женска конкуренција вчера во четвртфиналето Ана Ивановиќ ја победи Елина Свитолина со 2:0 во сетови, а Луси Сафараова со истиот резултат беше подобра од Гарбине Мугуруза.

Денеска од 14 часот почнува програмата на Ролан Гарос. На теренот Филип Шатрие (централен) играат Серена Вилијамс – Сара Ерани и на теренот Сузан Леглан е мечот Тимеа Башински и Алисон Ван Ујтванк.

Би можело да ве интересира

ВИДЕО: Рекорден 14. трофеј за Рафаел Надал на Ролан Гарос

Ана Ололовска

ВИДЕО: „Кралот на земја“ го продолжува походот по 14. титула од Ролан Гарос

Ана Ололовска

Руне го испрати Циципас дома

Направен исклучок за мечот на Ѓоковиќ и Надал

Предраг Петровиќ

Надал против Ѓоковиќ во четвртфиналето на Ролан Гарос

ВИДЕО: Повторно инцидент-со рекетот удри дете во публиката