Цибона му го нанесе петтиот пораз во низа на МЗТ Скопје

Од:

Кошаркарите на МЗТ Скопје Аеродром вечерва загубија на гостувањето кај Цибона со 87:79 во меч од 17. коло од АБА лигата по кој останаа на четири победи и без ниту еден триумф на гостински терен сезонава во регионалното натпреварување.

„Сино-белите“ и покрај фактот што играа со само осум играчи поради отсуството на повредените Стефан Синовец, Јуре Лалиќ, Стојан Ѓуроски и болниот Адем Мекиќ, му зададоа силен отпор на противникот, но на крајот снемаа сили за целосен пресврт.

Избраниците на тренерот Анте Назор не се предадоа ниту по водството на противник со 14 поени разлика (55:69) во финишот од третиот период. Со ангажирана игра и прецизен шут прво изедначија на 74:74, а со тројката на Шарлон Клоф дури и поведоа до 77:76 на две минути до крајот. Но, потоа падна концентрацијата, се направија неколку неизнудени грешки, нешто што „цибоси“ максимално го казнија и со серија 11:2 до крајот на средбата дојдоа до посакуваните бодови.

Ѓорѓе Дреновац ја одигра најдобрата партија сезонава и навистина е штета што неговиот учинок со 27 поени, пет скока и две асистенции не беше крунисан со триумф. Одличен беше и Клоф со 16 поени, три скока и дури осум асистенции, а двоцифрен поентерски ефект имаше уште и Џош Скот со 12 поени и седум скока.

Следната шанса за прекин на серијата од пет порази по ред МЗТ Скопје ќе ја има веќе в петок, кога во „Јане Сандански“ ќе гостува тимот на Задар.

Би можело да ве интересира

Бен Симонс ќе ги бојкотира тренинзите и натпреварите на Филаделфија

А1он

Итудис ќе биде нов селектор на грчките кошаркари

А1он

Шенгелија, избран за претседател на синдикатот на играчи во Евролигата

А1он

Општина Аеродром домаќин на Меѓународниот кошаркарски турнир „Драган Василов – Цевка“

Ернандез повеќе не е селекторот на Аргентина

Ана Ололовска

Швед ја заврши репрезентативната кариера

Ана Ололовска