Екипите на Челзи и на Ливерпул остварија победи на последните две средби со кои беше комплетирано 20.коло и заокружена календарската 2012 година во Англиското фудбалско првенство.
Ливерпул вечерва беше поуспешен од Квинс Парк Ренџерс со 3:0 со головите на Луис Суарез (10. и 16.минута) и Даниел Агер 28.минута.
Во првиот денешен дуел, Челзи со 2:1 го победи Евертон. Пиенар ги доведе домаќините во водство уште во 2.минута, а резултатскиот пресврт „сините“ од Лондон го направија со головите на Френк Лампард во 42. и 72.минута.
Резултати на вчерашните натпревари од ова коло: Арсенал – Њукасл 7:3, Сандерленд – Тотенхем 1:2, Стоук – Саутемптон 3:3, Рединг – Вест Хем 1:0, Норвич – Манчестер Сити 3:4, Манчестер Јунајтед – Вест Бромвич Албион 2:0, Фулам – Свонси 1:2 и Астон Вила – Виган 0:3.
Табела: Манчестер Јунајтед 49 бодови, Манчестер Сити 42, Челзи 38 (натпревар помалку), Тотенхем 36, Арсенал 33 (натпревар помалку), Евертон 33, ВБА 33,…
Следното коло во Премиер лигата по традиција ќе се одигра на 1 јануари.