Александар Чеферин повторно е избран за претседател на УЕФА и во наредните четири години, соопштуваат од Европската куќа на фудалот. Словенецот доби нов четиригодишен мандат на конгресот на УЕФА во Лисабон.
За Чеферин овој мандат ќе биде последен, бидејќи според Статутот на УЕФА никој не смее да го води европскиот фудбал повеќе од три изборни периоди.
„Никогаш не смееме да заборавиме колку е убав фудбалот, како ни ги разбранува емоциите, како држи стотици милиони луѓе на работ од нивните столчиња, како тој дефинира кои сме ние“, изјави Чеферин.
Тој е на чело на УЕФА од септември 2016 година, откако беше сменет Мишел Платини.
Неговиот втор мандат го одбележа борбата против создавањето на Суперлигата и исклучувањето на Русија од меѓународните натпреварувања поради војната во Украина. Направи и реформи во Лигата на шампионите.