Претседателот на УЕФА, Александар Чеферин изјави дека опциите и решенијата за продолжување на фудбалските натпревари се истражуваат на дневна основа, но сигурно е дека 3 август е последниот рок за завршување на Лигата на шампионите и Лигата на Европа. Неуспехот да се стори тоа може целосно да ги откаже овие две натпреварувања оваа сезона.
Чеферин изјави дека, како и целиот свет, фудбалот е на непознат терен, така што Европската фудбалска организација секојдневно ги испитува можностите под кои би се продолжиле фудбалските натпревари.
– Крајниот рок за завршување на Лигата на шампиони и Лигата на Европа е секако 3-ти август. Ние сме во непозната ситуација и треба да бидеме флексибилни – можеби ќе треба да играме во истите денови, дури и во истите термини како националните лиги. Имаме неколку различни сценарија за Лигата на шампионите и Лигата на Европа продолжува во мај, јуни или јули, а постои можност и преостанатите натпревари да не се играат воопшто. Ќе зависи многу од владите на одделните земји и дали тие ќе дозволат да се игра фудбал. Ако тие речат не, не можеме да сториме ништо околу тоа. Ќе биде касно веќе на септември и октомври, рече Чеферин за „ЗДФ“.
Постојат неколку модели според кои сезоната може да се заврши.
– Можеме да ја завршиме сезоната со постојниот систем или со еден меч на неутрален терен. Исто така, постои опција „Фајнал фор“ или Ф8, но засега сето тоа е во сферата на теоријата. Единствената погрешна одлука што би можеле да донесеме во моментов е да го загрозиме здравјето на играчите, навивачите и судиите, додаде првиот човек на УЕФА.