„Златната топка“ за фудбалер на годината која ја доделува француското списание „Франс фудбал“ ќе биде доделена на свеченост во Париз на 29 ноември, соопштија денеска организаторите.
Листата на номинирани фудбалери во машка и женска конкуренција ќе биде објавена в петок.
Престижната награда „Златна топка“ во чија организација повторно се вклучува реномираното француско списание, се враќа по едногодишна пауза, откако минатата година не беше врачена поради пандемијата на коронавирус.
Лауреати во 2019 година беа Аргентинецот Лионел Меси во машка, и Американката Меган Рапино во женска конкуренција.
Наградата за најдобар голман му припадна на Бразилецот Алисон, додека холандскиот дефанзивец Матијас Де Лихт беше прогласен за најдобар млад фудбалер.