Во пријателски фудбалски натпревар одигран попладнево во Кина, селекцијата на Бразил ја совлада Аргентина со 2:0.
На дуелот меѓу „лутите„ латино-американски ривали, одигран во Пекинг пред 85.000 гледачи, беше одбележана 100-годишнината од првиот меѓусебен натпревар.
Диего Тардеи кој по пет години повторно доби шанса да заигра за репрезентацијата на Бразил, им ја донесе победата на „Кариоките„ со головите на 28 и 64 минута.
Аргентинците имаа шанса во првиот дел да го израмнат резултатот. Сепак, најдобриот играч на „Гаучосите„ Лионел Меси во (41-минута) не успеа да реализира најстрога казна.
Ударот на Меси од белата точка, бразилскиот голман Џеферсон успеа да го одбрани.
За Бразил ова е 15-та победа во меѓусебните дуели со Аргентина која досега само на шест средби успеала да се радува.