Раководството на Бостон Селтикс покажува интерес за центарот на Јута, Руди Гобер, еден од најдобрите одбранбени кошаркари во НБА.
Како што објави „Legion Hoops“, Селтикси може да им понудат на „Џезерите“ размена за Французинот во претстојниот преоден рок. Зајакнувањето на позицијата центар е приоритет за клубот.
Францускиот кошаркар ќе стане неограничен слободен играч по сезоната 20/21. Дваесет и осумгодишниот кошаркар минатата сезона имаше просек од 15,1 поен и 13,5 скока по натпревар.
Тој беше првиот играч во НБА кој се зарази со коронавирусот, уште во март, а по неговиот случај, лигата беше во прекин од четири месеци, пред натпреварите да продолжат во „балонот“ во Орландо.