Блатер: Можеби е грешка доделувањето на СП на Бразил

Од:

Првиот човек на Светската фудбалска асоцијација (ФИФА) изјави во Виена дека доделувањето на организацијата на Мундијалот 2014 на Бразил можеби е погрешен потег.

Оваа изјава на претседателот на ФИФА е реакција на демонстрациите на стотици илјади Бразилци против трошоците за СП, кои се случија за време на Купот на конфедерации во оваа земја.

– Во случај да се повторат протестите мораме да се запрашаме дали сме донеле правилна одлука околу изборот на домаќин на следниот шампионат. Упативме јасна порака до политичкиот врв на Бразил дека за време на СП не смее да се случуваат вакви работи, рече Блатер.

Тој нагласи дека демонстрациите треба да бидат аларм за власта и дека првите луѓе на државата треба нешто да превземат.

– Целата одговорност околу протестите е кај политичарите. ФИФА со ништо не допринесе тие да се случат и не може да биде одговорна за таквите дејства, посочи претседателот на ФИФА.

За време на одржувањето на Купот на конфедерации во Бразил годинава низ улиците на таа земја се случија масовни протести. Демонстрантите изразија незадоволство од трошењето на преку 15 милијарди евра за организацијата на Светското првенство и побараа средствата да се пренаменат во образованите, здравството, домувањето.

Би можело да ве интересира

Флик, Гвардиола, Манчини и Тухел претенденти за наградата тренер на годината според ФИФА

А1он

ФИФА ги објави кандидатите за фудбалер на годината

А1он

Македонските фудбалери напредуваа седум места на ФИФА ранг-листата

А1он

Де Брујне не е против Мундијал на две години

Ана Ололовска

ФИФА ќе ги прогласи најдобрите на 17 јануари

А1он

ПСЖ се обиде преку ФИФА да влијае на заминувањето на Меси и Паредес во репрезентацијата, но залудно

Ана Ололовска

Leave a Comment

15 + 12 =