Велшанецот Герет Бејл беше еден од најзаслужните за победата на Реал Мадрид на синоќешното гостување кај Сосиедад. Бејл, кој полека се враќа во препознатливата форма, изјави дека е нормално да се има падови и подеми во текот на кариерата.
– На секого во фудбалот му се случува тоа. Не може секогаш да се игра во врвна форма. Падовите и кризите се нормална работа и ги има кај секој фудбалер. Најважно е да се надминат што побрзо. Јас ќе продолжам да работам напорно. Тоа е се што можам да направам. Секогаш е важно да се вратиме, изјави Бејл.
Велшкиот фудбалер во 61. минута го постигна вториот гол за Реал во победата (3:1) над Сосиедад.
Пофалба за играта на Бејл стигна и од тренерот Зинедин Зидан.
– Среќен сум за него, тој покажа дека е добар играч. Потребна е трпеливост и убеден сум дека ќа ја достигне врвната форма, нагласи Зидан.