Баерн ги стави Видал, Тиаго, Боатенг и Бернат на трансфер листа

Од:

Баерн Минхен стави четири од неговите главни играчи на трансфер листата. Според „Билд“, се работи за Артуро Видал, Тиаго Алкантара, Џером Боатенг и Хуан Бернат. Баварците сакаа да го трансформираат својот тим по уште еден неуспешен обид да ја освојат Лигата на шампионите.

Новиот ментор на тимот, Нико Ковач, ќе имаат целосна слобода да го трансформира тимот по своја волја, тврдат од изданието. Манчестер Јунајтед и Челзи со интерес ги следат вестите за Тиаго, како и Барселона и Манчестер Сити. Видал призна на крајот на сезоната дека не знае што ќе прави во иднина.

-Во моментов знам само дека имам договор за уште една сезона. Јас сум мирен и ако го сменам тимот, би било добро тоа да биде тим кој се бори за освојување на Лигата на Шампионите, изјави Чилеанецот.

Интерес за Видал има од Наполи, каде што неговиот поранешен тренер во Баерн – Карло Анчелоти, застана на чело на вицешампионот на Италија.