Австралискиот тенисер со грчко потекло Ник Кирјос заработи парична казна поради неспортско однесување на Мастерсот во Шангај.
Киргиос вчера по губењето на првиот сет на дуелот со Џон Изнер, отиде кон противникот се поздрави и го предаде мечот. Следуваа свирежи од публиката и низа обвиненија на социјалните мрежи за неспортското однесување на Кирјос.
Тој подоцна се бранеше дека имал проблеми со стомачен вирус.
Тениската асоцијација (АТП) не му го прифати образложението и го казни вкупно со триесетина илјади долари од кои 21 илјада бонус за учество и 10 илјади за неспортско однесување.
Австралиецот го следат повеќе скандали во неговата кариера и често пати е казнуван за неговите испади.