АТП донесе одлука да му ги одземе бодовите на Вимблдон, како одговор на санкционирањето на руските и белоруските играчи.
Вимблдон неодамна донесе одлука да им забрани настап на руските и белоруските тенисери.
Затоа АТП ги казни со одземање поени, што значи дека бодовите нема да се бројат, а финансиските награди остануваат на сила.
„Способноста на играчите од која било националност да учествуваат на турнири по заслуги и без дискриминација е од фундаментално значење за нашата турнеја. Одлуката на Вимблдон да им забрани на руските и белоруските играчи да се натпреваруваат во Обединетото Кралство ова лето го поткопува овој принцип и интегритетот на системот за рангирање на АТП. Во отсуство на промена на околностите, со големо жалење и неподготвеност не гледаме друга опција освен да ги отстраниме бодовите од АТП ранг-листата од Вимблдон за 2022 година. Нашите правила и договори постојат за заштита на правата на играчите како целина. Едностраните одлуки од ваква природа, доколку не се адресираат, претставуваат штетен преседан за остатокот на турнирите. Дискриминацијата на поединечни турнири едноставно не е одржлива на турнејата што оперира во повеќе од 30 земји“, беше официјално објавено.