На последниот денешен натпревар од 2. коло од Премиер лигата на „Гудисон парк“ во Ливерпул, Арсенал успеа да остане непоразен откако двата гола ги постигна во последните седум минути.
Евертон по првиот дел водеше со 2:0 со головите на Симус Колмен (19.минута) и Стивен Најсмит (45.минута).
Арсенал до еден бод стигна со погодоците на Арон Ремзи (83.минута) и Оливие Жиру (90.минута).
На другите денешни натпревари беа постигнати следниве резултати: Астон Вила – Њукасл 0:0, Челзи – Лестер 2:0, Кристал Палас – Вест Хем 1:3, Саутемптон – ВБА 0:0 и Свонси – Барнли 1:0. Утре се играат дуелите: Хал – Стоук, Тотенхем – КПР и Сандерленд – Манчестер Јунајтед.
Колото ќе биде комплетирано во понеделник со дербито меѓу двете првопласирани екипи од ланскиот шампионат меѓу Манчестер Сити и Ливерпул. Челзи и Свонси се двете екипи кои имаат максимални 6 бодови.