Екипата на Арсенал го освои првиот трофеј во новата сезона откако попладнево на „Вембли“ во Лондон во Супер купот (Комјунити Шилд) го победи Манчестер Сити со 3:0.
Головите за „Топџиите“ од Лондон ги постигнаа: Санти Казорла во 21. минута, Арон Ремзи (42) и Оливие Жиру во (60).
Шампионот Манчестер Сити настапи во значително изменет состав во однос на оној од ланската сезона.
Ова беше дуелот на двете екипи кои изминатата сезона ги освоија трофеите пехарите во Англија. Манчестер Сити стана шампион во Премиер лигата, а Арсенал победи во ФА Купот.