Апостолски Лечиќ: Комплетни ќе бидеме посилни

Од:

Селекторот на македонската машка кадетска кошаркарска репрзентација Андреј Апостолски Лечиќ ги сумираше впечатоците по двата порази во пријателскиот двомеч против Хрватска во рамки на подготовките за ФИБА „Челенџер“ купот во Скопје.

На првиот од двата натпревари одиграни во Дарувар, „црвено – жолтите“ претрпеа катастрофален пораз од 47:98 во четвртокот, а вчера во неизвесен натпревар беа поразени со 85:91.

-Првиот натпревар во Дарувар против хрватската репрезентација до 16 години, не беше слика на нашата репрезентација. Најмногу тоа се должи на краткото време за одмор кое го имавме по доаѓањето во Дарувар, потоа адаптирање на условите, како и желбата да се изротираат сите играчи како би можеле подобро да селектираме за ‘челенџерот’ во Скопје, изјави Апостолски Лечиќ.

– На вториот натпревар сакавме да одиме на резултат. Играчите одморија, и излегоа на терен да го победат натпреварот. Во текот на целиот натпревар бевме подобар противник. Но со неколку судиски одлуки не успеавме да извојуваме победа на гостински терен во Хрватска. Но вториот меч е патоказ како треба да играме на наредните мечеви, оцени македонскиот селектор.

Македонскиот кадетски тим ќе ги продолжи подготовкиге во Скопје, а планирано е и гостување во Ниш и пријателски натпревар против селекцијата на Србија.

„По враќањето од Хрватска во Скопје, ќе бидеме, се надевам, во комплетен состав и во уште посилно темпо ќе ги продолжиме подготовките за ФИБА турнирот во Скопје“, додаде Апостолски Лечиќ.

Би можело да ве интересира

Четврти Суперкуп трофеј за МЗТ Скопје Аеродром

Жрепката за новата кошаркарска сезона в четврток

А1он

ТФТ го освои трофејот на првиот меморијален турнир „Анте Дуковски“

Ана Ололовска

Гостивар го промовираше Американецот Ворку

Ана Ололовска

КК Гостивар: Времето ќе покаже дали заминувањето на Костоски е од лични причини

А1он

Бајиќ: Повеќе сакам противниците да размислуваат за нас, отколку ние за нив

А1он