Ајнтрахт (Франкфурт) ќе го врати Бас Дост во Бундеслигата по три сезони отсуство, а според Фреди Бобич, договорот е прашање на време. 30-годишниот напаѓач во моментов е во сопственост на Спортинг (Лисабон), но двата клуба се во напредни преговори и се очекува сè наскоро да биде финализирано.
– Никогаш не е лесно со Спортинг (Лисабон), прокоментира Бобич, но додаде дека трансферот на Дост на „Комерцбанк Арената“ е „неизбежен“ и зависи само од тоа кога ќе бидат финализирани некои „мали детали“.
Дост беше дел од Волфсбург помеѓу 2012 и 2017 година, постигнувајќи 36 голови на 85 натпревари во Бундеслигата во тој период. Откако е играч на тимот од Лисабон, Холанѓанецот има постигнато 76 гола на 83 настапи во лигата.
Фудбалерот, висок 196 сантиметри, играше за Емен, Хераклес и Херенвен во својата родна земја, а има 18 натпревари и 1 гол за репрезентацијата на Холандија. Во Ајнтрахт, тој ќе се натпреварува за место во стартните 11 со Дејан Јовелиќ и Гонзало Пасиенсија, кои се единствените два типични напаѓачи во составот на Адолф Хутер.