Во Спортскиот центар „Јане Сандански“ викендов кошаркарскиот клуб МЗТ Скопје Аеродром ќе ја организира завршницата на Купот на Македонија.
Бранителот на трофејот од последните три сезони по пауза од 14 години е домаќин на турнирот кој ќе го даде 23. куп победник.
Денеска се играат двете полуфиналиња:
Од 17 часот: МЗТ Скопје Аеродром – Кожув,
Од 20:30 часот: Работнички – Куманово.
Победниците ќе играат утре во финалето закажано за 20:30 часот. Како предигра на овој дуел е младинското финале (17 часот) во кое ќе учествуваат МЗТ Скопје Аеродром и Вардар.
Најмногу трофеи досега има освоено Работнички – осум, МЗТ Скопје седум пати го подигал победничкиот пехар, по две победи имаат Фени Индустри и Никол Ферт Гостивар, по еднаш победувале Вардар Осигурување, Деликатес Кочани и АМАК СП.