Стабилизација на западен Балкан е можна и без признавање на Косово, но клучот за европска перспектива е да се подобри односот помеѓу Приштина и Белград, изјави денес поранешниот словачки премиер и шеф на дипломатија, а сегашен член на Одборот за надворешна политика, Микулаш Журинда.
-Фактот дека Словачка не го призна Косово не е пречка за стабилизација на западен балкан -изјави тој.
Журинда нагласи дека за европска перспектива на Косово се потребни економски, социјални и правосудски реформи, а дека клучот за Косово и целиот регион е во подобрување на односите помеѓу Белград и Приштина.
-Акцент во дијалогот треба да се стави на децентрализација на државната управа и индивидуалните граѓански права – изјави тој.
Посетата на косовските пратеници ја организираше Британскиот совет, а целта е да се стекнат сознанија за реформите во економијата и социјалните области.