Атина, 3 септември 2020 (МИА) – Земјотрес со јачина од 4.3 степени според Рихтеровата скала беше регистриран попладнево во областа Атика.
Според Геодинамичкиот институт на Националната опсерваторија, епицентарот бил 17 километри јужно од предградието Рафина што се наоѓа во источниот дел на Атика, поширокиот дел на Атина.
Земјотресот беше почувствуван по повеќе населби, како и во центарот на Атина.