Загрижувачка епидемиолошка состојба во Србија, се зголемува бројот на починати

Од:

Епидемиолошката состојба во Србија е загрижувачка, омикронот се шири, веќе две недели бројот на заразени е петцифрен, а се зголемува и бројот на починати, јави дописникот на МИА од Белград.

dobivaj vesti na viber

Во последните 24 часа според министерството за здравство регистрирани се 17.284 случаи на инфекција со коронавирус од 34.778 тестирани примероци, а како последица на инфекцијата починале уште 42 лица. Во болниците има 3.397 пациенти, од кои 143 се на респиратор.

Болниците повторно се враќаат на ковид режимот, како што е КБЦ „Д-р Драгиша Мишовиќ“ кој повторно влезе во црвената зона.

Состојбата со пандемијата е загрижувачка, а бројот на пациенти кои се позитивни на Ковид е со влијание од мутациите и побрзото ширење на вирусот, изминатите празници и од зимските одмори, оцени пнеумофтизиологот од Градскиот институт за белодробни заболувања и туберкулоза во Белград, Катарина Мијатовиќ.

-Лечењето со антибиотици на своја рака е појава која го отежнува лекувањето на ковид позитивните пациенти, изјави д-р Мијатовиќ, бидејќи со тоа може да се „маскира“ клиничката слика, а некои симптоми може привремено да станат „невидливи“. Покрај тоа, вирусните инфекции не се лечат со антибиотици, порача д-р Мијатовиќ.

Училишниот тим од Кризниот штаб денеска одлучи од понеделник, 31 јануари, учениците од прво до четврто одделение во основните училишта директно да ја следат наставата, додека учениците од петто до осмо одделение воспитно-образовната работа да ја следат по комбиниран модел и да одат на училиште ден по ден, поделени во две групи.

И за средношколците одлучено е наставата да се одвива по комбиниран модел.

Извор: МИА

Би можело да ве интересира

Синиша Мали со најголеми шанси за премиер на Србија

Почина Игор Старовиќ, пејачот на групата „Дивљи кестен“

Катерина Павлова-Николовска

Брнабиќ: Дојавите за бомби се притисок врз Србија поради Русија

Ана Ололовска

Јапонија ги отвара границите, но само за „пробни“ туристички тури

Ана Ололовска

Во САД од Ковид-19 починале еден милион луѓе

А1он

Епидемијата на коронавирусот во Шангај под контрола

А1он