Заев за АНА-МПА: Со Договорот од Преспа победници се граѓаните на двете земји и имаме потврдено и длабоко пријателство

Од:

Граѓаните на нашата земја и на нашиот пријател Грција, може да бидат горди денес, тоа е генерацијата што стави крај на една епизода на неизвесен мир на Балканот, вели македонскиот премиер Зоран Заев на почетокот од изјавата за грчката новинска агенција АНА-МПА.

Тој вели дека сите граѓани се победници, па дури и оние кои беа против договорот, му се заблагодарува на неговиот пријател Алексис Ципрас за гласањето во Парламентот, потенцира дека решиле спор што изгледал невозможен да се реши и порачува дека сега, двата народи имаат потврдено и длабоко пријателство.

-Со прифаќањето и спроведувањето на Договорот од Преспа, победници се сите граѓани и од двете земји, но исто така и граѓаните од целиот регион. Победници се, исто така и оние кои беа против договорот, бидејќи и за нив исто така доаѓа нова ера на просперитет, мир и пријателство, како и за прогресивните граѓани од двете земји. Смелите граѓани одбраа да ги отфрлат сенките на минатото и на светот да му дадат нов Балкан на можности и на политичка стабилност, регион на блиски соседи и пријателство на економски развој и модел на интеграција, вели Заев за АНА-МПА.

Македонскиот премиер „со гордост и благодарност“, му честита на неговиот пријател, Алексис Ципрас за гласањето во грчкиот Парламент, а неговата благодарност е и до сите оние смели пратеници и пратенички и во двете земји кои „со нивниот глас ставија крај на стравовите кои се претставуваа како несовладливи“.

-Решивме спор кој се претставуваше како невозможен да се реши. Јас и мојот пријател, премиерот Ципрас, лани летото стигнавме до договор. Заедно со нашите тимови предводени од министрите за надворешни работи, стигнавме до момент на разоткривање: секоја страна треба да даде нешто за да добие многу, многу повеќе за возврат. Од сега па натаму имаме потврдено и длабоко пријателство. Почнувајќи од денес, одиме напред со поголема сила за да ги обединиме граѓаните на двете земји, порачува премиерот.

Зоран Заев во ексклузивната изјава за грчката новинска агенција потенцира дека иднината ќе биде заеднички пат „со пријателски намери и вредности кои произлегуваат од нашето европско семејство“.

-Да живее нашето пријателство и нашата стратешка соработка, вели Заев на крајот од неговата изјава.

Би можело да ве интересира

Грчката полиција ја истражува смртта на бебе од Сирија со знаци на сексуална злоупотреба

Ана Ололовска

Мицкоски: Заев да не се крие позади скапо платените спотови и да прифати ТВ дуел

Ана Ололовска

Грчката Влада носи нов закон со реформи во социјалното осигурување, синдикатите закажаа штрајк

Ана Ололовска

Казна за веслач во Грција кој и покрај лошото време влегол во морето, а потоа бара помош

Ана Ололовска

Митаракис им даде рок од една недела на локалните власти од островите да предложат нови локации за изградба на затворените центри

Ана Ололовска

(ВИДЕО) Заев: Приклучете се на маршот „Чекориме до правда“

Драган Поповски