За утрешниот протест на албанската опозиција ангажирани над 1.200 полициски службеници

Од:

За безбедноста на протестот на опозицијата закажан за утревечер во 19 часот, пред владата, ќе бидат ангажирани над 1.200 полициски службеници.

Тие ќе бидат во кордони околу владата и други државни институции, додека припадниците на специјалната единица “Шќипоња” и на онаа за брзо распоредување ќе бидат позиционирани во близина.

Повеќе контролни групи ќе бидат стационирани на влезовите во Тирана. Ќе бидат контролирани возилата и патниците да не носат огнено оружје, тврди предмети и пиротехнички средства.

На протестот ќе бидат ангажирани и агентите од секторот за антитероризам , кои ќе ги надгледуваат лицата за кои постојат сомненија за можни терористички акти.

Влезната врата на владата и прозорците се покриени со пластифициран лим, со цел да се оневозможи учесниците во протестот да влезат во објектот.

Премиерот Еди Рама нема да биде во зградата. Тој претходно најави дека ќе биде во Валона на свеченост по повод завршување на инфраструктурен зафат.

Протестот што го организира Сали Бериша, поддржан и од дел од граѓанскиот сектор се одржува под мотото” Албанија во опасност- Не вели што ќе ми е мене”.

Извор: МИА

Би можело да ве интересира

Само Албанија е понесреќна земја од Македонија во регионот: ООН го објави извештајот за среќа

Орце Костов

Зетот на Трамп објави фотографии од луксузни архитектонски проекти за Србија и Албанија

Земјотрес во Албанија

Со еден клик до работни места во Србија и Албанија: Нова можност за македонските граѓани

Орце Костов

ВИДЕО: Повторно хаос во албанскиот парламент, сесијата заврши предвреме поради немири

Земјотрес во Албанија, почувствуван и во Црна Гора

Горан Наумовски