Косовскиот министер за внатрешни работи, Бајрам Реџепи изјави дека врз КФОР паѓа одговорноста за зачувување на безбедноста во регионот на Карачево.
– Се уште не е направена демаркација на границата со Србија, затоа и оваа одговорност е на мировните трупи на КФОР, смета Реџепи.
Вчерашната изјавата на Реџепи доаѓа по изјавата на градоначалникот на Каменица дека во овој дел од општината, на границата со Србија, на косовска територија патролираат српски џандари, јави дописникот на МИА.
Засега, како што јавуваат косовските медиуми, нема реакција од страна на силите на НАТО во Косово, кои се одговорни за обезбедување на границата меѓу Косово и Србија.