За 64 отсто зголемени бегалските бранови во Грција

Од:

Во првите осум месеци од годинава, бегалските и мигрантските бранови во Грција се зголемиле за 64 отсто, споредено со истиот период лани, додека пак бројот на бегалци и мигранти кои престојуваат во земјата се намалил за 56 проценти, согласно податоците за август од Министерството за миграција и азил, јави дописничката на МИА од Атина.

dobivaj vesti na viber

Во Грција престојуваат вкупно 18.587 баратели на азил, од кои 16 отсто се на островите, а останатите 84 проценти се во континенталниот дел на Грција.

На островите, во август имало 3.190 бегалци, бројка за 39 отсто помала од август минатата година.

Во периодот од јануари до август пристигнале 8.873 бегалци и мигранти, а 5.657 лица ја напуштиле Грција, односно или заминале и биле релоцирани во некоја земја од Европската унија или биле вратени во земјите на потекло преку механизмот за депортација.

Министерот за миграција и азил на Грција Нотис Митаракис рече дека продолжуваат да вложуваат максимални напори за ефикасно управување со мигрантското прашање, „наспроти обидите на мрежите на криумчарите и инструментализацијата од Турција“, како и дека ќе продолжат да ги штитат грчките и европските граници „со примена на строга, но правична политика со почитување на меѓународното право и човечкиот живот“.

Извор: МИА

Би можело да ве интересира

Најмалку 77 мигранти удавени во бродоломот во близина на сирискиот брег

А1он

Анкета: Покачувањето на цените најголем проблем за Грците

Ана Ололовска

Мицотакис го информирал Гутереш за односите со Турција

Ана Ололовска

Во два одвоени случаи во Грција спасени над 130 бегалци и мигранти

Ана Ололовска

Андрулакис: Не заговараа планетите против мене, туку парадржавен механизам

Ана Ололовска

Грција и Бугарија ќе ја зајакнат соработката за чување на границите на ЕУ

Ана Ололовска