Вулин избран за директор на БИА

Од:

За директор на Безбедносно-информативната агенција (БИА) денеска е именуван Александар Вулин, поранешен министер за полиција, јави дописникот на МИА од Белград.

Оваа позиција остана испразнета кога на чело на Министерството за внатрешни работи беше избран Братислав Гашиќ.

Вулин е избран за директор на БИА на седница на Владата на Србија, а претходните две години ја извршуваше функцијата министер за внатрешни работи.

Вулин е поранешен министер за одбрана, министер за труд и социјала, директор на Канцеларијата за Косово и Метохија и пратеник во Собранието. Кон крајот на деведесеттите години на минатиот век бил функционер на југословенската левица (ЈУЛ) на Мира Милошевиќ, сопруга на Слободан Милошевиќ.

Во неговата биографија пишува дека тој прв јавно го употребил терминот „српски свет“, поради што се смета за негов творец.

Во јавноста е познат и по изјавата дека од тетка му од Канада добил пари за да купи стан во Белград.

Претседателот на СНС, Александар Вучиќ, не го прочита името на Вулин кога ги објави имињата на новите министри и не му се заблагодари за „досегашната соработка“, што ги подгреа претходните шпекулации дека поранешниот министер на полицијата ја чека функцијата директор на БИА.

Извор: МИА

Би можело да ве интересира

ВИДЕО: Србија завеана во снег, затворени патишта, 25 илјади луѓе без струја

Дачиќ: ЗСО е предуслов на сите предуслови

Ана Ололовска

Вучиќ: Можеби ќе треба да воведеме санкции кон Русија

Ана Ололовска

Сериски убиец од Србија уапсен во Германија: Ограбувал и убивал пензионери

А1он

Авион принудно слета во Белград, почина патничка

Катерина Павлова-Николовска

Објавен Извештајот за преговарачкиот процес со Приштина од 1 септември минатата до 15 јануари оваа година

А1он