Вучиќ: Во Брисел не ни дадоа никаква можност да прифатиме договор

На Србија во Брисел не и дадоа ниту еден процент можност да прифати договор, кој е понуден, бидејќи никој освен српската страна не покажа подготвеност за каква било отстапка – ова им го порача заменик премиерот Александар Вучиќ на министрите на денешната седница во Владата на Србија.

-За жал никој освен нас не покажа подготвеност да направи отстапки или компромис, поради што немавме можност ниту понуденото да го прифатиме – изјавил Вучиќ и додал дека Србија сепак не се откажува од европскиот пат, пренесува „Блиц“.

Тој нагласил дека ќе го продолжат патот и се надева дека ќе може да постигнат договор со Приштина.

Елена Георгиевска