Вучиќ: Србија договори набавка на 6,5 милиони вакцини, но не може сите да ги добие

Од:

Претседателот на Србија, Александар Вучиќ, изјави денес дека е лут и нервозен секогаш кога размислува за вакцинирањето, бидејќи Србија досега договорила набавка од околу 6,5 милиони вакцини, кои не може да ги добие во таа количина.

Вучиќ рече дека некои богати земји купиле до шестпати повеќе вакцини отколку што имаат жители, и дека сакале да ги вакцинираат „сите кучиња и мачиња“, па затоа другите земји не можат да ги вакцинираат своите граѓани.

-Но, нивниот план не успеа, затоа што се појавија некои мали земји, како што е Србија, која се снајде. Буквално се снајдоа. И кога ќе видите дека имаат шест пати повеќе дози од жители, ви се смачува од сè. Но, што да се прави – им се може. Што велат децата: „Така се во можност“, изјави Вучиќ и додаде дека и Србија ќе се обиде да „таа биде во можност“.

Тој ги потврди најавите на премиерката Ана Брнабиќ дека утре во Србија стигаат вкупно 40.000 вакцини Спутник V од Русија и најави дека попладнево ќе има нови разговори на „отворените и заштитени линии“ во кои ќе се обиде да набави нови дози на вакцини, додавајќи дека наскоро ќе пристигнат помеѓу 9.000 и 11.000 дози на вакцината на Фајзер, потоа во февруари уште 41.000 парчиња од истиот производител и дека ќе побара од Кина да испрати уште повеќе од своите вакцини.

Вучиќ кажа дека само вчера 53.000 лица примиле вакцина и дека на списокот на пријавени за вакцинација има повеќе од 700.000 граѓани.

Би можело да ве интересира

Пукање во Белград, повреденото момче не и кажува на полицијата кој го нападнал

Вработена во српското МВР издавала фалсификувани пасоши

Земјотрес во Крагуевац: „Добро се стресе“

ВИДЕО: 25 години од НАТО нападот на Србија

Катерина Ѓуровски

На млад фудбалер му била одземена платата бидејќи ставил „лајк“ на дуелот меѓу Русија и Србија во Москва

ВИДЕО: Зад прекинот на дуелот меѓу Србија и Русија стои човек кој мислеше дека ќе се збогати