Српскиот претседател Александар Вучиќ присуствуваше на безбедносниот форум во Прага. На средбата со новинарите тој изјави дека имал многу важни средби, пред се со Урсула фон дер Лајен и Мирослав Лајчек.
„Се надевам дека до крајот на годината ќе видиме јасен напредок на Србија на европскиот пат. Но, навистина не сум подготвен да кажам дека ќе бидеме дел од ЕУ во 2028 година, додаде тој.
На прашањето за ситуацијата на Косово тој рече дека сегашната ситуација ја гледа како чиста провокација на Албин Курти.
„Зборував со Лајчак за Косово. Важно е дека и Европејците и Американците го осудија однесувањето на Курти. Важно е дека КФОР ги држи своите позиции на мостот на Ибар. Воопшто не го разбирам албанското раководство што сака. Ќе блокираат недела, месец…Единственото добро што може да излезе од оваа ситуација е што целиот свет ќе види кој придонесува за нестабилноста на целиот регион“, рече Вучиќ.