Се надевам дека дијалогот помеѓу Белград и Приштина ќе донесе компромис, но се плашам дека од нас ќе бараат нешто што не е можно, изјави денес потпретседателот на владата на Србија, Александар Вучиќ.
На новинарското прашање зошто датумот за почеток на преговорите со Европската унија е важен за Србија, Вучиќ нагласи дека за тоа не се согласува со „пријателите“ од Демократската партија на Србија, бидејќи ЕУ е нивен значаен партнер.
-Постојат економски и политички причини за европската интеграција, објасни тој и истакна дека најважно е да се промени начинот на размислување и да добијат модерна држава.
Но според него доколку Србија не добие датум, Унијата ќе мора да ги објасни причините, бидејќи и самата призна дека владата на Србија оствари голем напредок.
Елена Георгиевска