Вучиќ се облече во традиционална национална чеченска наметка, Кадиров му испратил подароци

Од:

„Рускиот народ е за нашиот братски народ, и вековната историја го докажала тоа многу пати, а руско-српските односи не можат да бидат уништени под никаков притисок“, рече српскиот претседател Александар Вучиќ во разговор со пратеникот на чеченскиот лидер Рамзан Кадиров, објави порталот grozny-inform.ru.

Кабинетот на Вучиќ не објави соопштение за таа средба, а Даудов, претставен како советник на шефот на Чеченската Република за арапски и муслимански земји, на Инстаграм изјави дека се сретнал со српскиот претседател во понеделникот илустрирајќи со заедничка фотографија со Вучиќ.

На фотографијата со Даудов, Вучиќ е облечен во традиционална национална чеченска наметка, додека во раката држи шубара, подароци добиени од Кадиров кои му ги предаде неговиот советник и пратеник.

На почетокот на средбата Даудов ги пренел поздравите на шефот на Чеченската Република до претседателот на Србија и српскиот народ, а на крајот на средбата на Вучиќ му подарил национална наметка и капа, истакнувајќи дека „силата на Србите е слична на суровиот карактер на планинарите“.

Чеченскиот лидер Рамзан Кадиров е близок сојузник на рускиот претседател Владимир Путин, а стотици чеченски доброволци се борат во руската инвазија на Украина, која Москва ја нарекува „специјална воена операција“.

Би можело да ве интересира

Курти: На Косово не постојат српски општини, Вучиќ го прекрши договорот

А1он

Кирби: Ситуацијата со Косово е поврзана со танцот на Курти и Вучиќ, договорот за ЗСО е постигнат одамна

А1он

ВИДЕО: „Доаѓам во Собрание“: Неуспешни консултации меѓу Вучиќ и партиите за Косово

А1он

Вучиќ: Народот да не се грижи, ништо не сме потпишале

А1он

Вучиќ: Планот за Косово е прифатен од сите членки на ЕУ, ако не соработуваме, евроинтеграциите ќе бидат прекинати и ќе ги повлечат инвестициите

Катерина Павлова-Николовска

Заврши седницата на Владата во Србија, Вучиќ вечерва ќе и се обрати на јавноста

А1он