Вучиќ од Обединетите Арапски Емирати доби една милијарда долари со само три отсто камата

Од:

Претседателот на Србија, Александар Вучиќ, кој е во официјална посета на Обединетите Арапски Емирати, денеска изјави дека министерот за финансии Синиша Мали потпишал договор со ОАЕ, со кој Србија добива една милијарда долари, по поволна каматна стапка со само три отсто камата.

dobivaj vesti na viber

-Ако излеземе на финансискиот пазар, тоа ќе нè чинеше најмалку 2,5 пати повеќе. Овој договор е како подарок и огромна поддршка за Србија, изјави Вучиќ за ТВ Пинк.

Вучиќ објасни дека во јануари доспеваат обврските од старите кредити кои Србија треба да ги врати, а за да не се трошат парите што ги има сега, а мора да купува скапа енергија на пазарот, со овие пари се обезбедува целосна ликвидност со солвентноста што ја има државата.

Тој истакна дека Србија ќе добие финансиска поддршка и средства со двојно помала каматна стапка по која се задолжуваат западните земји.

Вучиќ за време на посетата на Абу Даби со шеикот Мухамед бин Зајед разговараше за потенцијалните инвестиции на Емиратите во Србија, како и за енергетската криза, каде меѓу двете земји беа потпишани девет договори.

Тој изјави дека во делегацијата има и луѓе од воената индустрија, бидејќи Емиратите се заинтересирани за многу српски производи.

-Буквално сега можеме да продаваме трипати повеќе од производството во следните 30 години. Сите сакаат да купуваат муниција, гранати, ракети, бомби, сè што правиме, посочи тој.

За шеикот Мухамед бин Зајед кажа дека е близок пријател на (францускиот претседател) Емануел Макрон, и да (германскиот канцелар Олаф) Шолц доаѓа да го посети за шест дена, истакнувајќи дека шеикот Бин Зајед е еден од најмоќните луѓе во светот, кој ја почитува Србија.

Извор: МИА

Би можело да ве интересира

Курти го обвини Вучиќ за бомбите на северот на Косово: Србија ги плаќа криминалците

Катерина Павлова-Николовска

Вучиќ: За санкциите против Русија, ќе го прашам народот, владата, парламентот, а и малку и јас ќе се прашам

Вучиќ пристигна во Тирана: „Секогаш е подобро да си на маса отколку на мени“

А1он

Лајчак очекува средба меѓу Курти и Вучиќ во наредните неколку недели

А1он

Вучиќ: Не сум сигурен дека ќе има некаква корист од моето одење во Тирана, но сигурно ќе има многу штета ако не одам

А1он

Вучиќ-Лајчак: Неопходно е да се спроведе договорот за Заедницата на српски општини

А1он