Вучиќ: Мерките на Приштина се „луди“

Од:

Српскиот претседател, Александар Вучиќ изјави дека новите правила на Приштина за влез на атикли во Косово се „луди“ и додаде дека допрва ќе се види дали новата влада на Приштина ќе ги повлече.

Тој исто така напомена дека интересот за косовското прашање расте и во САД и во ЕУ.

Вучиќ во Нови Пазар изјави дека Србија губи околу еден милион евра на ден заради овие мерки, но дека исто така губат и косовските Албанци, бидејќи им се потребни суровини од централна Србија и готови производи.

Тој додаде дека слободната трговија е една од темелите на кои инсистира Белград и дека затоа се залага за посилни врски и од ЦЕФТА, за да може да се работи, да се тргува, да се градат патишта, да се поврзуваат луѓето.

– САД не го губат интересот за решавање на косовското прашање, изјави Вучиќ и додаде дека интересот за тоа прашање расте и во ЕУ.

На прашањето дали сложената состојба во САД ќе се рефлектира со пад на интересот на Вашингтон за решавање на косовското прашање или се смета на посветеноста и ентузијазмот на Ричард Гренел за постигнување на резултат, Вучиќ кажа дека разменувал пораки со Гренел и дека американскиот претставник секој ден покажува интерес.

Вучиќ истакна дека се слушнал и со претставникот на ЕУ, Мирослав Лајчак, додавајќи дека нивниот интерес не се намалува, туку расте.

– Србија мора да разговара со сите, но треба да знаеме на што ЕУ го темели својот оптимизам кога сака да го забрза процесот на решавање на косовското прашање, истакна српскиот претседател..

-Тој додаде дека досега не сум видел никаков предлог.

– Реално за нас е да седнеме и да разговараме, но да нема никакви такси или ограничувања. Јас сум секогаш подготвен, државата ми е поважна од партиските и другите прашања, порача Вучиќ, одговарајќи на прашања за Лајчак, кој најави дека дијалогот со Приштина може да продолжи до крајот на јуни и дека членките на ЕУ сакаат процесот да се забрза.

Би можело да ве интересира

Пукање во Белград, повреденото момче не и кажува на полицијата кој го нападнал

Вработена во српското МВР издавала фалсификувани пасоши

Земјотрес во Крагуевац: „Добро се стресе“

ВИДЕО: 25 години од НАТО нападот на Србија

Катерина Ѓуровски

На млад фудбалер му била одземена платата бидејќи ставил „лајк“ на дуелот меѓу Русија и Србија во Москва

ВИДЕО: Зад прекинот на дуелот меѓу Србија и Русија стои човек кој мислеше дека ќе се збогати