Претседателот на Србија, Александар Вучиќ, му посака брзо закрепнување на бугарскиот премиер, Бојко Борисов, кој претходно објави дека е позитивен на Ковид-19.
„Драг пријателе, ти посакувам брзо и целосно закрепнување и многу сила! Ќе победиш“, напиша претседателот на Србија на „Твитер“.
Dear friend @BoykoBorissov, I wish you a fast and full recovery and much strength! You will win!
— Александар Вучић (@predsednikrs) October 25, 2020
Бугарскиот премиер Бојко Борисов вчера на својот „Фејсбук“ профил објави дека е позитивен на коронавирусот.
„Иако РЗИ официјално го укина мојот карантин, уште во петокот ги одложив сите состаноци и јавни настани за наредните денови. По два ПЦР-теста, од денеска сум позитивен на Ковид-19“, напиша Борисов.
„Чувствувам малаксаност, во моментот, по проценка на лекарите, останувам на домашно лекување. Сите контакти со мене се доставени до РЗИ. Сигурен сум дека со почитување на мерките, заедно ќе се справиме“, додаде Борисов.