Вучиќ до американските сенатори: „Отворен Балкан“ е пример за успешна регионална соработка

Од:

Претседателот на Република Србија, Александар Вучиќ денеска се сретна со американските сенатори од Одборот за надворешни работи, Крис Марфи и Џин Шејхин, како и со сенаторот од Одборот за вооружени сили, Том Тилис, со кои разговараше за билатералната соработка, европската интеграција на Србија, ситуацијата во регионот, енергетиката и кризата во Украина, јави дописникот на МИА од Белград.

-Зборувајќи за ситуацијата во регионот, претседателот Вучиќ истакна дека Србија го почитува територијалниот интегритет на Босна и Херцеговина, како и на Република Српска во рамките на БиХ. Тој додаде дека за Србија е од клучен интерес да ја зачува стабилноста во регионот и да ја зајакне соработката во сите области, особено во областа на економијата, бидејќи само таков регион овозможува одржлив развој на самата Србија. Во таа насока, претседателот Вучиќ како пример за успешна регионална соработка ја наведе Иницијативата „Отворен Балкан“ која има за цел натамошен развој на регионот и подигање на животниот стандард на сите негови граѓани, се наведува во соопштението од Кабинетот на српскиот претседател.

Во него се додава дека „по повод кризата во Украина, претседателот Вучиќ ја истакна посветеноста на Србија за почитување на принципите на меѓународното право, територијалниот интегритет и политичката независност на државите, за што сведочи гласањето на Република Србија во Генералното собрание на ОН и другите меѓународни тела“.

За време на разговорите со американските сенатори, претседателот Вучиќ се заблагодари на Вашингтон за континуираната поддршка на патот на Србија кон полноправно членство во ЕУ.

-Тоа е една од нашите приоритетни надворешнополитички цели и стратешка определба на Србија, изјави Вучиќ.

Извор: МИА

Би можело да ве интересира

Вучиќ: „Се поблиску сме до голем светски конфликт“

Со еден клик до работни места во Србија и Албанија: Нова можност за македонските граѓани

Орце Костов

(ВИДЕО) Вучиќ и Орбан одговараа на ТикТок: Ќебапи или гулаш

Катерина Ѓуровски

(ВИДЕО) Вучиќ: Од нас се бара признавање на Косово, санкции за Русија, Западот сака марионетски режим во Србија

Почнува единствениот пазар на труд на Отворен Балкан

Горан Наумовски

Ковачевски: Одбележувањето на Свети Сава за нас и за нашата држава е порака за заедништво, почит и меѓусебна соработка