Министерот за одбрана на Србија Милош Вучевиќ одговараше на новинарски прашања и по тој повод се осврна на ситуацијата во Украина и на Косово.
Вучевиќ рече дека на сите граѓани на Србија им е забрането да учествуваат во воени конфликти на територијата на странски држави и дека тоа е казниво.
Зборувајќи за евентуалното членство во НАТО, Вучевиќ изјави дека Србија има официјална политика дека е воено неутрална земја.
Министерот за одбрана на Србија се осврна на хакерските напади на веб-страниците на Министерството за одбрана. Како што истакна, успешно се одбиени нападите кои дошле не само од регионот туку и од Европа.
Вучевиќ рече дека безбедносната состојба и сите ризици за Србија се следат секојдневно, а најголем безбедносен ризик е ситуацијата на Косово.
Министерот, одговарајќи на прашање за новите бази на косовските безбедносни сили, откри дека е „забележано“ дека Приштина гради нова инфраструктура и изјави дека тоа не е добро.